"Sarı şerit" cemaat muqavemet areketi Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yaltada yañı ukrain tarafdarı aktsiyalarını keçirdi. Faalciler Rusiye işğalcilerine Qırım Ukrainanıñ qısmı olğanını hatırlattılar.
Muqavemet areketi öz Telegram kanalında bu aqqında yazdı.
Qayd etildi ki, Yaltada sarı şeritler cemaat naqliyatınıñ toqtatuvlarında, Simferopolda (Aqmescitte) ise — parklar, göl yanı, Makedonskıy ve Krımska soqaqlarında, em de Bağçasaray rayonınıñ dağlarında peyda oldı.
"İşğal etilgen topraqlarnıñ sakinleri er kün bütün dünyağa özleri ukrainalılar olğanını köstereler, işğalden qurtarılmasını bekleyler. Rusiye repressiyaları insanlarımıznı öz inançlarından vazgeçmege mecbur etmez", — dep aytıla haberde.
Читати ще
Telegram, WhatsApp ve Facebookta Suspilne Qırım haberlerine abune oluñız
