Qırımda ruslarnıñ radiolokatsiya sistemalarınıñ yoq etilmesi, Ukraimağa yarımadadaki başqa arbiy obyektlerge semerelice ücüm etmege yardım etecek.
"AOPA Ukraina" Ukrain uçucılar ve uçaqlar saipleri aviatsiya birleşmesiniñ prezidenti Ğennadiy Hazan Suspilneniñ canlı yayınında bunı añlattı.
"Bizim silâlı quvetlerimizniñ işğal etilgen Qırımğa ücüm etmege imkân bermeycek tehnikanı yoq ettik. O yerge ücüm etken soñ, radiolokatsiya kompleksi yoq ola. Bu tehnikanı ruslar bugün de, yarın da deñiştiremezler. Bu ileride bizge UUAlerni kütleviy şekilde qullanmağa imkân berecek, olarnıñ qullanuv koeffitsiyenti birge doğru ketecek, çünki rusiye AMSı içün olarnı yoq etmege qıyın olacaq", — dedi o.
Hatırlatamız ki, Baş istihbarat idaresi haber berdi ki, işğal etilgen Qırımda on üç paalı rusiye radiolokatsiya sisteması yoq etildi. Bundan ğayrı, ücüm vaqtında AMS, deñiz gemileri ve vertolötları zarar kördi.
Читати ще
Telegram, WhatsApp ve Facebookta Suspilne Qırım haberlerine abune oluñız
