Ukrainada Qırımdan nazirlerniñ eki işğalli muavini duşmannen işdeşlik faaliyetiUkraina CQniñ 111-1nci maddesiniñ 5-nci qısmı içün mülkü musadere etilip, 8 yıl apis cezasına maküm etildi.
Telegramda Qırım MC ve Sevastopol (Aqyar) prokurorlığı bunı bildirdi.
Olarğa 10 yıl devamında devlet hızmeti ve yerli idarenen bağlı vazifelerni eda etmek yasaq etildi.
"Makemede prokurorlar, 2022 senesi çiçek ayında maküm etilgenlerden biri "Qırım Cumhuriyeti fevqulâde vaziyetler naziriniñ muavini" olaraq tayinlengenini ve anda çalışqanını isbatladılar. Digeri ise, 2023 senesi oraq ayında "Qırım Cumhuriyeti naqliyat naziriniñ muavini" vazifesini aldı", — dep prokurorlıqnıñ haberinde qayd etildi.
Mahsus makemeden evel taqiqatlarnı Qırım MC Mİniñ Baş idaresi keçire edi.
Ukraina havfsızlıq hızmetiniñ bildirgenine köre, maküm etilgenler vaqtınca işğal etilgen Ukraina toprağında bulunğanları içün olarnı mesüliyetke çekmek içün kompleks tedbirler alıp barıla.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp ve Facebookta Suspilne Qırım haberlerine abune oluñız
