Qırımnıñ Rusiye işğalli akimiyeti yerli ealige basqı yapa. Kiçik ayda quvetçiler tutıp aluv, sorğu ve tintüvlerni devam ettirdiler.
Qırımtatar Maaliy Merkeziniñ (QMM) yapqanı talilde bu aqqında aytıla.
Qayd etildi ki, keçken ay devamında Rusiye quvetçileri sekiz insannı tuttılar, olardan beşi — tamır qırımtatar halqınıñ vekilleri. Bundan ğayrı, üç apiske alınuv qayd etildi, olardan biri — qırımtatar.
"2025 senesi kiçik qış ayında adaletli makeme aqqınıñ bozuluvı 19 kere qayd etildi, 12-si qırımtatarlarğa nisbeten. Em de altı tintüv qayd etildi, episi — tamır qırımtatar halqınıñ vekilleriniñ evlerinde keçirildi", — dep aytıla talilde.
Kiçik qış ayında 13 sorğu, sorav ve "subet" qayd etildi, olardan 10-u qırımtatarlarnen bağlı.
"Eñ yüksek seviyeli fizikiy ve ruhiy sağlıq aqqınıñ bozuluvı eñ az dört kere qayd etildi, dördü — qırımtatarlarğa nisbeten", - dep qayd ettiler QMCde.
Telegram, WhatsApp ve Facebookta Suspilne Qırım haberlerine abune oluñız
