2025 senesi saban ayınıñ 12-nden çiçek ayınıñ 13-ne qadar Ukraina Milliy operetasınıñ Art-foyesinde qırımtatar aslı ressam Eminegül Ziyatdinovanıñ "Ressamlıq improvizatsiyaları" sergisi keçirilecek. Ziyaretçiler soñki beş yıl içinde yaratqan sekiz resimini körip olalar.
Sergini Suspilne Qırım mühbiri ziyaret etti.
Eminegül Ziyatdinova balalıqtan resim yapmağa sevgen edi. Tabiat, çiçekler, etraf dünyası — bütün bular, onıñ resimlerinde aks ettirgen ilham menbaları oldı. Ressam em Ukrainada, em de çetelde sergilerde faal iştirak ete. Bu onıñ Ukraina Milliy operetasında ekinci şahsiy ekspozitsiyasıdır.
"Bu serilerniñ ğayesi menim seyaatlarımdan soñ peyda oldı. İnsanlarğa quvanç, yarıq ve ilham bermege istedim. Menim yaramay resimlerim yoq. Bütün işlerim parlaq, renkli, çünki men dünyanı böyle körem. Meselâ, Çift ve Aile resimleri menim qorantama bağışlana", — dep Eminegül Ziyatdinova paylaştı.
Serginiñ kuratorı Natalâ Suhovit de müellifniñ bediiy yazısınıñ unikalligini qayd etti.
"Menimce, ressamnıñ eñ yahşı ocaları — bu ilham, tabiat ve onıñ duyğularıdır. Onıñ dünyabaqışı onıñ resimlerinde körüne. O, harmonik, balanslı ve seyircilerni, atta adetince zemaneviy sanatqa şübeli olğanlarnı celp ete", — dep qayd etti o.
Telegram, WhatsApp ve Facebookta Suspilne Qırım haberlerine abune oluñız
