Vaqtınca işğal etilgen topraqlarda Rusiye işğalli akimiyeti oca ve pedagoglarnı "sadıqlıq añlaşması"nı imzalamağa mecbur ete. Bu vesiqalarda Kreml siyasetine qol tutuv ve "Rusiye mefküresine köre balalarnı terbiyelev" aqqında aytıla. İşten boşatılmaq ya da taqip etilmek telükesi bar.
"Sarı şerit" areketi Telegramda bunı bildirdi.
Faalcilerniñ aytqanlarına köre, "bala navigatorları"nıñ toplaşuvlarında ğayeviy işke daa çoq diqqat ayırıla. Olarnıñ aytqanlarına köre, böyle toplaşuvlar, sadıq olmağan balalarnı nasıl tanımaq ve Ukraina tarafdarlarınen "doğru" çalışmaqnı muzakere etken tariqatlarğa oşağan.
"Rusiye Federatsiyasınıñ Maarif nazirligi balalarnı Rusiye mefküresine köre "terbiyelemege" mecbur olğan adamlarnen, "bala navigatorları"nen işni quvetleştire". Faalcilerniñ malümatına köre, olardan Rusiye Federatsiyasınıñ siyasetine qol tutmağa ve balalarda doğru qıymetlerni şekillendirmege mecbur etken mahsus añlaşmalarnı imzalamağa talap eteler", — dep areket faalcileri qayd ettiler.
Areket, halqara uquqnıñ açıq bir bozuluvı olğanını qayd etti. İşğal etilgen topraqlarda balalarnı zorbalıqnen arbiyleştirüv, em de teşviqiy ikâyelerniñ mecbur etüvi, halqara gumanitar uquq qaidelerine köre, arbiy cinayet sayıla.
Telegram, WhatsApp ve Facebookta Suspilne Qırım haberlerine abune oluñız
