Avropa Şurasınıñ nazirler kabineti, Rusiyeden Qırımğa dair İnsan aqları boyunca Avropa makemesiniñ (İAAM) qararını eda etmege talap ete. Rusiye akimiyeti, komitetniñ azaları iddia etkenleri kibi, İAAM qararlarınıñ eda etilmesine dair er bir muzakeresini toqtap areket planını bermegen.
Bunıñ aqqında saban aynıñ 6-dan komitet qararında denile.
Rusiyeden bütün şahıslar ve gruppalarnıñ esas aqlarına ürmetini temin etmege talap eteler: fikir etüv ve onıñ ifade etüv, tınç toplaşuvlar, asotsiatsiyalar, şahsiy ayatı, namus ve din serbsetliklerine.
"RF, Qırımda qırımtatar ve ukrain tillerinde tasil aqqını temin etip ukrain tilinde laf etken balalar ve ocalarnıñ er bir taqip etüvlerni toqtatmaq; rusiye vatandaşlığından vazgeçmek içün qanuniy fırsatını ve bunıñ içün kerek olğan şaraitlerni temin etmek; bütün kerek olğan halqara nezaret organlarınen işdeşlikte bulunıp Qırımda insan aqlarınen vaziyetniñ köz etüvi içün manialarını yoq etmek; İAAM-ne 2022 senesi ilk küz ayında kelgen Rusiyege qarşı davalarında oña dair öz usul vazifelerine riayet etmek", – denile kömiyetetniñ qararında.
Hatırlatayıq ki, 2024 senesi ilk yaz aynıñ 25 İAAM, esas boyunca qararını ilân etip RF-nı insan aqları boyunca Avropa şartnamesiniñ on dört maddesi ve oña dair muqavelelerine köre vaqtınca işğal etilgen Qırım MC-de insan aqlarınıñ muntazam bozuluvlarında qabaatlı dep tanıdı.
Telegram, WhatsApp ve Facebookta Suspilne Qırım haberlerine abune oluñız
