Qırım prokurorlığı, yarımadanıñ cemaat palatasınıñ işğalli yolbaşçısına qarşı qabaatlav aktını makemege berdi, o, Rusiyeniñ silâlı tecavuzını aqlap, ukrain topraqlarını işğal etmege çağıra edi.
Qırım Muhtar Cumhuriyetiniñ prokurorlığı Telegramda bu aqqında haber etti.
Onı eki madde boyunca ğıyabiy şekilde maküm etecekler — Ukraina toprağınıñ ve devlet sıñırınıñ sıñırlarını deñiştirmek maqsadınen areketlerge açıq çağıruvlarUkraina CQniñ 110-ncı maddesiniñ 1-nci qısmı, em de Rusiye Federatsiyasınıñ Ukrainağa qarşı silâlı tecavuzını media vastasınen aqlavUkraina CQniñ 436-2. maddesiniñ 3-nci qısmı. Qabaatlanğan kişi sekiz yılğa qadar apis cezasını ala bile.
"Taqiqat, 2022 senesi orta küz ayında qabaatlanğan şahıs "Millet" Rusiye tarafdarı telekanalınıñ programmasında iştirak etip, Ukraina toprağını arbiy yolnen işğal etmek kerekligini qayd etkenini belgiledi. Hususan, Mıkolayiv, Odesa, Sumı, Çerniğiv, Zaporijjâ ve Harkiv vilâyetleriniñ bütün topraqlarını "serbest qaldırmağa" ve olarnıñ "Rusiye Federatsiyasınıñ terkibine qoşulmasına" çağırdı", — denile beyanatta.
Onıñ ifadelerinde silâlı tecavuznıñ aqlanuvı, em de Ukraina topraqlarınıñ sıñırlarını deñiştirmek çağıruvları bar olğanını makeme-lingvistik ekspertizalar tasdıqladı, dep prokurorlıq bildirdi.
Mahsus makemeden evel taqiqatnı Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde Milliy areketniñ Baş idaresi keçirdi.
Hatırlatamız ki, cemaat palatası yarımadanıñ işğalli akimiyeti tarafından 2014 senesi meydanğa ketirildi. Onıñ terkibini Rusiye kontrolindeki Qırım parlamenti ve ükümeti tasdıqlay. Teşkilâtnıñ resmiy maqsadı — qanunsız Qırım akimiyeti ve yarımada sakinleri arasında işbirlikni temin etmektir.
Telegram, WhatsApp ve Facebookta Suspilne Qırım haberlerine abune oluñız
