Rusiye Mudafaa nazirligi saban ayınıñ 7-nde saba işğal etilgen Qırım üzerinde 14 uçucısız uçaq aletini tüşürgenini bildirdi.
Nazirlik Telegram kanalında bunı yazdı.
Umumen işğal etilgen topraqlar ve Rusiye toprağı üzerinde, Rusiye Mudafaa nazirliginiñ malümatına köre, 39 UUA tüşürildi.
"14 UUA Qırım Cumhuriyeti, 12 UUA Qara deñiz, yedi UUA Kursk vilâyeti, üç UUA Azaq deñizi ve birer UUA Rostov, Belgorod ve Orlovsk vilâyetleri üzerinde", — dep aytıla haberde.
Hatırlatamız ki, saban ayınıñ 6-nda aqşam Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) işğalli gubernatorı Mihail Razvojayev uçucısız uçaq aletleriniñ ücüm etkenini bildirdi.
"Evelki malümatqa köre, dört dron Qaçı rayonında deñiz üzerinde, yalıdan bayağı uzaqta uruldı", —Razvojayev dedi.
Yerli Telegram kanalları Fiolent Burnu ve Belbek ava limanı civarında patlavlar aqqında bildirdi. Ukraina tarafınıñ izaatları şimdilik yoq.
Читати ще
Telegram, WhatsApp ve Facebookta Suspilne Qırım haberlerine abune oluñız
