11 yıldır ğayıp olğan Rivneli Yevromaydan faalcileri Valeriy Vaşçuk ve İvan Bondaretsniñ taqdiri belli degil. 2014 senesi saban ayınıñ başında olarnı Qırım vokzalında ukrain bayrağınen Rusiye işğalcileri zapt ettiler.
Qırımtatar Maaliy Merkezi (QMM) bunı bildirdi.
Saban ayınıñ 6-nda Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) Rusiye "militsiyası" erkeklerni tuttı, dep qayd etildi.
"Saban ayınıñ 7-nde Valeriy Vaşçuk Svitlana qardaşına telefon etip, onıñ vokzalda tutulğanını haber etti. Valeriy onen laf etip, olarnıñ qollarında açılğan ukrain bayrağınen trenden ingenini ayttı. O vaqıttan berli ğayıp olğanlarnen bağ yoq. 11 yıldır olarnıñ bulunğan yeri belli degil", — dep QMMniñ haberinde qayd etildi.
Şunı da qoştılar ki, Ukraina İç işler nazirliginiñ resmiy saytında Valeriy Vaşçuk ve İvan Bondaretniñ ğayıp oluvı aqqında malümat bar. Aynı vaqıtta Herson vilâyetindeki İç işler nazirliginde Ukraina Ceza qanunnamesiniñ 115-inci maddesine binaen "Añlı tarzda öldürüv" boyunca cinaiy dava açıldı.
"Rusiye uquq qorçalayıcı organlarınıñ saytlarında Valeriy Vaşçuk ve İvan Bondaretniñ ğayıp oluvı aqqında malümat yoq", — dep QMM qayd etti.
Telegram, WhatsApp ve Facebookta Suspilne Qırım haberlerine abune oluñız
