Ukrainada Devlet taqiqat bürosınıñ hadimleri işğal etilgen Qırımda Rusiye ordusınıñ tarafını tutqan Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) Kıyiv rayonınıñ sabıq prokurorına dair makemeden evel taqiqatnı alıp bitirdiler.
DTBnıñ Melitopol vilâyetindeki idaresiniñ matbuat hızmeti bu aqqında haber etti.
Qayd etildi ki, 2014 senesi saban ayında yarımada zapt etilgen soñ, Simferopoldaki (Aqmescitteki) Kıyiv rayon makemesiniñ prokurorı, Rusiye Federatsiyasınıñ prokurorlığı terkibine kirgen qanunsız şekilde teşkil etilgen "Qırım Cumhuriyeti prokurorlığı"nda vazife almağa teklif aldı.
"İşğalli akimiyetnen işbirlik tutmağa başladı. Yalta "prokurorlığı"nda hain, istilâcı devletniñ qanunlarına köre areket ete. O, tek makeme oturışlarında degil, işğalcilerniñ cemaat tedbirlerinde de iştirak ete. Sabıq memur devlet hainliginde qabaatlana (Ukraina Ceza qanunnamesiniñ 111-nci maddesiniñ 1-nci qısmı). Madde 15 yılğa qadar azatlıqtan marum etüv ve mal-mülkniñ musadere etilmesini közde tuta", — dep aytıla haberde.
Telegram, WhatsApp ve Facebookta Suspilne Qırım haberlerine abune oluñız
