Ukrainada Rusiye işğalcileri tarafına keçken ve 2014 senesi "Umumiy Qırım referendumınıñ keçirilmesinde iştirak etüv" qararına rey bergen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeer şurasınıñ mebusı ğıyabiy şekilde maküm etildi.
Qırım ve Sevastopol (Aqyar) prokurorlığınıñ matbuat hızmeti bu aqqında haber etti.
Qayd etildir ki, maküm etilgen adam, yarımadanıñ Rusiye silâlı quvetleri tarafından işğal etilgenini gizlemek içün, Sevastopol (Aqyar) şeer şurasınıñ başqa mebuslarınen beraber "Umumiy Qırım referendumınıñ keçirilmesinde iştirak etüv" qararınıñ qabul etilmesi içün rey berdi.
"Ukraina Anayasasınıñ talaplarına riayet etmeden, mebus Sevastopol şeer şurasınıñ nevbetten tış toplaşuvında iştirak etti ve qanunsız "Qırım Muhtar Cumhuriyeti ve Sevastopolnıñ mustaqilligi aqqında beyannameni" desteklegenine rey berdi. Böyle areketlerinen maküm etilgen adam istilâcı devletke Ukrainağa qarşı, onıñ suvereniteti, topraq bütünligi ve toqunılmamazlığına zarar ketirgen bozuv faaliyetini alıp barmaq içün yardım etti", — dep aytıla haberde.
Şu da qoşuldı ki, şimdilik devletke hainlik yapqan Qırım MC Yuqarı Şurasınıñ 21 mebusı ve Sevastopol şeer şurasınıñ 8 mebusı muhtariyet prokurorlığınıñ qabaatlavı içün ğıyabiy şekilde maküm etildi.
Telegram, WhatsApp ve Facebookta Suspilne Qırım haberlerine abune oluñız
