Qırım Muhtar Cumhuriyetiniñ prokurorlığı makemege "Sevastopol öz-özüni mudafaa etüvi" qanunsız silâlı birleşmesiniñ askerine qarşı qabaatlav aktını berdi. Onı devlet hainligiUkraina CQniñ 111-nci maddesiniñ 1-nci qısmınde ve Ukrainanıñ topraq bütünligiUkraina CQniñ 110-ncı maddesiniñ 2-nci qısmı ve toqunılmazlığına qast etüvde qabaatlaylar.
Qırım Muhtar Cumhuriyeti ve Sevastopl (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Telegramda bu aqqıda haber etti.
Adamnı qanunsız silâlı birleşmelerniñ faaliyetindeUkraina CQniñ 260-ncı maddesiniñ 2-nci qısmı iştirak etüvde qabaatlaylar.
"Taqiqat, 2014 senesi kiçik ayda Ukraina vatandaşı, Rusiye ordusına Qırım yarımadasınıñ işğaline yardım etmek maqsadınen, "Sevastopol öz-özüni mudafaa etüvi" milliy mudafaa fonduna kirdi, dep belgiledi. Onıñ vazifeleri arasında Sevastopolda "Ğonçarne" blok noqtasında gece-kündüz nevbette turmaq, vatandaşlarnıñ vesiqalarını teşkermek ve şeerge ketken naqliyat vastalarını tintmek edi", — dep aytıla haberde.
Prokurorlıqnıñ malümatına köre, 2014 senesi kiçik-saban aylarında qabaatlanğan adam diger "öz-özüni mudafaaçıları"nen beraber Qırımnıñ Rusiyege qoşuluvı boyunca qanunsız referendumnı keçirmek ve duşman teşviqatına qol tutmağan yarımada sakinlerini tutqan edi.
O, 15 yılğa qadar apis cezasına üküm etile bile. Mahsus makemeden evel taqiqatnı Qırım MC ve Sevastopol (Aqyar) şeerindeki Milliy Polisniñ Baş idaresiniñ Taqiqat İdaresi alıp bardı.
Telegram, WhatsApp ve Facebookta Suspilne Qırım haberlerine abune oluñız
