Qırımtatar Milliy Meclisi 2014 senesi saban ayınıñ 3-nde Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) merkezinde esas meydanğa Qırımnıñ işğaline qarşı narazılıq köstermek içün çıqqan Reşat Ametovnıñ hatırasını añdı.
Meclis öz Facebook saifesinde bu aqqında yazdı.
Qayd etildi ki, Reşat Ametov öz toprağında serbest olmağa aqqı bar olğanını açıqtan beyan ete edi. Bu areket içün onı "Qırım öz-özüni mudafaa etüvi" tuttı. Onı maşnağa mindirip, belli olmağan yerge alıp kettiler. Bundan soñ o bağğa çıqmadı.
"39 yaşındaki Reşat Ametovnıñ cesedi 12 künden soñ, 2014 senesi saban ayınıñ 15-nde, Simdferopoldan (Aqmescitten — terciman) 60 km uzaqlıqta yerleşken Zemlânıçne köyünde tapıldı. O, bir qaç kere pıçaq yaralarından yaralandı, qaburğaları qırıldı, başı skotçtan sarılğan, közleri çıqarılğan, ayaqları ve elleri de buğavlarnen bağlı edi. İşğalli memuriyet, hırsızlavda iştirak etken şahıslarnı belgiledi, amma bu cinayetni taqiq etmege red etti", — dep Meclis ayttı.
2014 senesi saban ayınıñ 18-de aman-aman eki biñ qırımtatar Reşat Ametovnı Abdal mezarlığında cenaze keçirmege keldi.
"Reşat Ametovnıñ ikâyesi qırımtatar halqınıñ dayanıqlığını aks ete. Onıñ cesür areketleri bizge insan aqları, azatlıq ve adaletni qorçalamaq kerek olğanını hatırlata. Onıñ hatırasını saqlamaq ve Qırımnı işğalden azat etmek ve Rusiye işğalcilerinden zarar körgenler içün adalet tiklemek içün elimizden kelgenini yapmaq kerekmiz", — dep Meclis qayd etti.
Telegram, WhatsApp ve Facebookta Suspilne Qırım haberlerine abune oluñız
