Saban aynıñ 2 Kiyevde elâk olğan Qırımdan Ukraina imayecesi, horeograf Volodımır Rakovnen sağlıqlaşuv tedbiri ötkerilecek.
Bunıñ aqqında onıñ işdeşi Ğalına Peha öz instagram saifesinde bildirdi.
Sağlıqlaşuv tedbiri, saat 13:00 Mıhaylıv Zolotevrhli keşişhanesinde 8-ci Tröhsvâtıtelska soqağı boyunca ötkerilecek. Defin etüvi, saat 15:15 Cenübiy mezarında olunacaq. Teşkilâtçılar merasimniñ bütün tedbirlerini ziyaret etmege planlaştırğanlarını öz naqliyatı ile kelip ketmege rica eteler.
Hatırlatayıq ki, oyuncı, "Er kes oynay!" şounıñ ğalibi ve Danıl qıralınıñ adına 24-ci ayrı mehaniklaştırılğan brigadasınıñ askeri, qara qış aynıñ 6 cenkâver vazifesiniñ eda etüvi vaqtında elâk olğan. O, 30 yaşında edi.
Volodımır Rakov aqqında ne belli?
Volodımır Rakov, 1994 senesi boş aynıñ 24 Qırımdaki Yevpatoriya (Kezlev) şeerinde doğğan.
Ösmürlik yaşında yüksek bedeniy azırlanuvını talap etken akrobatik rok-n-rolnen meraqlana edi.
2013 senesi STB telekanalında "Er kes oynay" şounıñ iştirakçısı olıp ğalebe qazanğan. Keççe Volodımır leyhağa yedinci ve sekizinci mevsimlerinde horeograf olaraq qaytıp "Yıldızlarnen oyunlar" şouda horeografnıñ yardımcısı olıp çalışqan edi.
Volodımır, Kozar Dance Theatre teatrda çalışıp ve Lexus, Apple, Nike kibi dünya brendleriniñ reklamalarında iştirak etip icadiy karyerasını devam etken. Daa rağbetli ukrain sanatçıları – Vitaliy Kozlovskiy, NK, Zlata Ogneviçniñ kliplerinde iştirak etken edi.
Telegram, WhatsApp ve Facebookta Suspilne Qırım haberlerine abune oluñız
