Üç yıl evel qırım asılı olğan kapitan Oleksandr Korpan, 2022 senesi saban aynıñ 2 cenkâver vazifesini eda eterek elâk olğan. O, 27 yaşında edi. Onıñ uçağını urğanlarda qurtarıp olamayıp mesken yerinden maşnasını çekken. Büyük miqyaslı ücüminiñ ilk kününden beri cebede olıp Ukrainanı qorçalay edi. Ölüm sebebinden Ukraina Qaramanı unvanını alıp "Altın Yıldızı"nen mukâfatlındırılğan.
Suspilne Qırım, onıñ ömür arqadaşı Yüliyanen subetleşken.
Yüliya, Donetsk vilâyetinden ola, Oleksandr ise – Qırımdan. Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı şeerinde doğıp arbiy Kaça şeerinde ösken. Kök sevdası daa balalıqta peyda olğan.
"Onıñ babası uçuş tehnigi edi, ömür boyu helikopterlerde uçqan edi. Kaçada arbiy bölügi bar edi ve o, ep uçaqlar nasıl uçıp köterilip ve qonğanına baqa edi", – hatırlay Yüliya.
Oleksandr deñiz perveri edi, çünki Kaça yalıda yerleştirilgen. Anda küneşniñ inanılmaz batuvı onı ilhamlandıra edi.
"Bu aqta maña çoq tarif etken edi, amma 2014 senesi Qırımnıñ işğalinden soñ anda daa bir kere qaytmağan, tek hatıralarnen paylaşa edi. 2019 senesi Qırımğa oğrap onıñ ösken yerlerini körip oldım. Saşa deñizni pek seve edi, akula dayın yaldağanını dey ediler", – tarif ete Yüliya.
Yüliya Oleksandrnen Harkivde Görkiy adına parktaki körüv köpçegi yanında tanış oldıq. Kursantlarnıñ kompaniyasında olıp o da olarğa ait olğanını dep belledim. Amma keççe ofitser olğanını bildim.
"Meni oyunğa davet etken. Baştan red ettim, soñra ise razı oldım. Oynadıq, öz eminlik, boyu-postu yerinde olğanı, cesaretlik ve tınçlıqnen meni celp etken. Soñra taksige meni ozğardı, sabadan ise telefon açqan. Daa başqa kere körüşmeycegimiz dep tüşündim, bir qaç yıl soñra onıñ ömür arqadaşı oldım. Onen bir buçuq yıl aqay-apay olıp yaşadıq ve bugünki kününe qadar oña sevgim ve ürmetim tek artmaqtalar", – dey Yüliya.
Yüliya aqayını şefqatnen hatırlap o, merd, cesür, namuslı, merametli olğanını qayd ete. Namus insanı edi. Ep şaqa etmege seve edi, amma öz zenaatını aqıl-fikirnen körgen edi.
"Dostlar "Uçaqnı nasıl süresiñ?" dep soray ediler. O, onıñ işi olğanını dep cevap bere edi. Onıñ içün o, başqalarğa barıp ötmek almaq kibidir. Öz ağır işinen raat munasebetinde olğan edi", – hatırlay o.
Daa büyük miqyaslı ücüminden evkl Oleksandr, cenk olacağını añlay edi, amma Yüliyanı qasevetlendirmege istemey edi.
"Tibbiyet saasında çalışqan edim, em ekimler, em de arbiyler ücüm er kes içün daa belli olğanından evel laf etmege başladılar. Oleksandrnı bunıñ aqqında sorğanda, "Aytacaq lafım yoq. Bir şey olsa, saña aytarım", – dey edi. 2022 senesi Sevgiler kününe onıñ hızmet etken yerine kelmege istedim, amma red etken. Evde iş aqqında laf etmemege tırışıp mevzunı deñiştire edi.Uvut ayında telükeli cemidannı toplap böyle ihtar etken: "Bir şey olsa, mışıqnı alıp İvano-Frankivskteki soy-soplarğa ket". Uvut aynıñ 23 "Raat olıp yatıp yuqlap olam mı?", – dep sordım. "E", – dedi. Saba patlavlardan uyandım. Ücümge inanğañ edi mi? Menimce, evni ğayib etken adam, er şeyge azır edi", – tarif ete Yuliya.
2022 senesi saban aynıñ 2 saba vaqtında daa telefon vastası ile laf etip oldılar. Oleksandr şaqa etken edi, bir qaç saat soñ elâk olğan.
"O, eki daqiqalıq eñ uzun muzakeresi edi.Sevgi, naziklik, qasevet aqqında laf etken edik. Onıñ sesi, tınç, şaqalı edi, belki de meni öyle raatlandırmağa istedi. Soy-soplarımızğa toy fotoresimlerini köstergenim ve biz acayip bir çift olğınımız aqqında tarif etken edim. Üç saat soñ raketalı telükesini ilân ettiler ve olarnıñ uçaqları kökke köterilgenler. O vaqıt facia olğan. Saat 12-den soñ soñki nefesini alğan. Bunıñ aqqında saat dörtke yaqın haberim oldı. Bu kün, ayatımnı "evel" ve "soñrasına" bölgen", – hatırlay qız.
Alâ daa tahqiqatnıñ resmiy neticeleri yoq, dey Yüliya. Ömür arqadaşı emin, Oleksandr, barışıq insanlarnı qurtarmaq içün elinden kelgenini yapqan.
"Belli olğanı tek bir şey: uçaqnıñ köçüricisi yanğan, o, bir tarafqa çekilmege başlağan. Oleksandr, maşnanı mesken yerinden çekmege istegen, amma alçaq yüksekligi ve büyük tezligi sebebinden qurtarıp olamağan", – tarif ete Yüliya.
Oleksandr, ittifaqdaşlarsız qıyın olacağını añlap Qırımnıñ qaytuvına işana edi.
"Qırımnıñ qaytaruvı içün Ukraina NATO terkibinde olmalı dep aytqan edi. Amma soñki subetimizde biz içün AB mi NATO mı daa yahşı sorğanda, ne anda ne mında kirmeycegimizni dep cevapladı. Dedi ki, Ukrainanı NATO-ğa daa evel alsa ediler böyle olmaz edi", – hatırlay Yüliya.
2022 senesi saban ayında Prezident, Oleksandrnı "Altın Yıldızı"-nen mukâfatlandırdı. Onıñ içün mukâfatlarnıñ degeri olmağan edi.
"Hızmet etip tek namzet alırsıñ", – ep aytqan edi. O, arbiy şaqasdır. Ukraina tarihında eñ büyük mukâfatlarından biri – "Altın Yıldızını" almaq – şeref, amma onı almaq içün canını bergen. İç bir mukâfat, insan ömürine lâyıq degil", – qayd etti qız.
Yüliyanıñ sözlerine köre, şimdi Oleksandrnıñ hatırını saymaq kerek. Kremençukta onıñ adınen soqaqnı adladılar. Daa ğalıç köyünde onıñ adına soqağı bar. Ömür arqadaşı, Korpan soqağı paytahta da peyda olğanını teşebbüs ete.
Telegram, WhatsApp ve Facebookta Suspilne Qırım haberlerine abune oluñız
