Yaltalı qırımtatar Çaraz Akimovnıñ "davası" "çetel teşkilâtınen gizli şekilde işbirlik yapqanı" içün işğalli Qırım Yuqarı makemesine yollanıldı.
Kiçik aynıñ 28-nde "Tribunal. Qırım epizodı" adlı videonı Telegramda derc etti.
"Tribunal"nıñ malümatına köre, 2024 senesi ilk qış ayında qırımtatar "arbiy tehnikanıñ avuştırıluvı aqqında Telegramğa mektüp yazğanı içün" yaqalandı. Eki aydan az bir müddet içinde bu "dava" taqiq etildi ve işğalli makemege berildi.
"Böyle davalar boyunca makeme esnaslarınıñ qapalı olması ve FSB hadimleri tarafından hırsızlav ve işkencege oğratılmasınıñ keniş qullanılğanını köz ögüne alsaq, Çaraz Akimovğa qarşı qabaatlavlarnıñ esaslılığı şubeler doğura. Bu vaziyette, qanunsız azatlıqtan marum etüv ve adiy makeme esnasına irişimni sıñırlavnen bağlı arbiy cinayet alâmetleri bar", — dep uquq qorçalayıcı teşebbüsiniñ analitikacıları bildirdiler.
Telegram, WhatsApp ve Facebookta Suspilne Qırım haberlerine abune oluñız
