Ukraina uquq qorçalayıcıları "Qırım Cumhuriyeti Yuqarı makemesi"niñ eki "makemecisi"ne duşmannen işbirlik faaliyetiUkraina CQniñ 111-1. maddesiniñ 7-nci qısmınde şeklengenini bildirdi. Olar 15 yılğa qadar apis cezasını ala bileler.
Kiçik aynıñ 28-nde Qırım Muhtar Cumhuriyeti ve Aqyar şeeriniñ prokurorlığı bu aqqında haber etti.
Qırım işğal etilgen soñ olar istilâcı devlet akimiyetiniñ vekillerinen faal işbirlik tuttılar. 2023 senesi ilk qış ayında "Qırım Cumhuriyeti Yuqarı makemesiniñ makemecileri" vazifelerini göñülli olaraq aldılar.
"Subetliler öz vazifelerinde istilâcı devletniñ adından ve menfaatlarında "adalet"ni amelge keçire ve yarımadada işğalli makeme sistemasınıñ çalışmasını temin ete", — dep prokurorlıq añlattı.
Bu "makemeler"den birine qarşı Ukraina Ceza qanunnamesiniñ eki maddesine: 438-inci maddeniñ 1-inci qısmı — cenk qanunları ve adetleriniñ bozuluvı, em de 111-inci maddeniñ 1-inci qısmı — devlet hainligi binaen qabaatlav vesiqaları berildi.
Telegram, WhatsApp ve Facebookta Suspilne Qırım haberlerine abune oluñız
