İşğal etilgen Qırımnıñ 39 yaşındaki sakini Rostov vilâyetindeki Rusiye makemesinden 15 yıllıq müstemleke cezasını aldı. O, "devlet hainligi" ve terakt azırlağanında qabaatlandı.
Bunı Rostov vilâyetiniñ prokurorlığı bildirdi.
Taqiqatnıñ versiyasına köre, o, Ukraina mahsus hızmetlerinen bağlanıp, yanğıncı granatalarnı yapmağa ögrengen ve Rusiyege qoltutqan timsalleri olğan maşnalarnı ateşke bermege planlaştırğan.
"Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte — terciman) olğanda, toplanğan granatalar yardımınen o, Rusiye akimiyeti ve arbiy hızmetçilerine qol tutqanı köstergen timsallernen maşnanı ateşke bermege niyetlengen edi, amma uquq qorçalayıcı organlarınıñ hadimleri tarafından tutuldı", — dep prokurorlıq bildirdi.
Makeme oña müstemlekede 15 yıllıq ve daa 1,5 yıl areket sıñırlavı cezasını berdi.
Telegram, WhatsApp ve Facebookta Suspilne Qırım haberlerine abune oluñız
