Qırımdaki Rusiye ordusına muntazam sürette yardım etken dört Ukraina vatandaşı istilâcı devletke yardımUkraina CQniñ 111-2. maddesiniñ 1-nci qısmı etkeni içün makeme etilecek. Madde 12 yılğa qadar apis cezasını bere.
QMC ve Aqyar şeeriniñ prokurorlığınıñ matbuat hızmeti Facebook saifesinde bunı bildirdi.
Taqiqat, Rusiye Federatsiyasınıñ tolu miqyaslı istilâsı başlağanından berli qabaatlanğanlar istilâcı devletniñ silâlı birleşmelerine qol tutmaq içün faal "göñülli" faaliyetini başlağanlarını belgiledi. 2022-2023 seneleri olar Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Eski Qırımda Rusiye ordusı içün para ve maddiy yardım toplağan "hayriye fondları" meydanğa ketirildi.
Qırım Muhtar Cumhuriyetiniñ prokurorlığı qayd etti ki, qabaatlanğanlar defalarca maddiy resurslarnı (arbiy ve taktik donatmalar, ateş keçirüv vastaları, gizleyici ağlar, generatorlar, alâqa vastaları, naqliyat vastaları, aşayt malları ve ilâhre) Ukrainağa qarşı arbiy areketler alıp barğan RF Silâlı quvetleriniñ bölüklerine berdi.
"Misal olaraq, 2023 senesi saban ayında qabaatlanğanlardan biri Rusiye Federatsiyasınıñ 30-dan çoq arbiy bölüginde "cezalarnıñ 100%-i yerine ketirilgeni"ni ve böyle 10-15 bölügine muntazam şekilde yardım berilgenini bildirdi. Yarımada ealisini "hayriye işleri"ne celp etmek içün, "göñülliler" cemaat aqqında malümatnı ve öz işleri aqqında "esabatlar"nı içtimaiy ağlarda derc ete ediler", — dep aytıla haberde.
Telegram, WhatsApp ve Facebookta Suspilne Qırım haberlerine abune oluñız
