"Sarı şerit" cemaat muqavemet areketiniñ faalcileri kiçik aynıñ 24-ne qadar, yani Rusiye Federatsiyasınıñ Ukrainağa istilâsınıñ yıllığına, işğal etilgen Qırımnıñ farqlı şeerlerinde onlarnen ukrain vatanperverlik stikerini yerleştirdiler. Narazılıq aktsiyası "Ukraine will resist ve Україна буде вільноюUkraina serbest olacaq" ifadesinen keçti.
Cemaat areketi öz Telegram kanalında bu aqqında yazdı.
O qayd etti ki, vatanperver yazılar Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Ermeni Bazar, Keriç, Sudaq ve Aluştada peyda oldı.
"Bugün bu yerler bütün dünyağa Qırımnıñ Ukraina olğanını hatırlata. Biz küreşemiz ve azat etilüvini bekleymiz. Muqavemet timsalleri em işğalcilerge, em de ittifaqdaşlarımızğa hatırlatmaq içün qullanıla: biz mındamız, teslim olmadıq ve teslim olmaycaqmız. Biz daa tecribeli, daa küçlü, daa dayanıqlı oldıq", — dep aytıla haberde.
Rusiye ordusı tarafından vaqtınca işğal etilgen başqa topraqlarda da muqavemet aktsiyaları keçirildi. Hususan, Melitopol, Mariupol, Donetsk, Luğansk, Jdanivka, Perevalsk, Geniçesk, Skadovsk, Nova Kahovka, Berdânsk, Antratsıt ve Vovçansk şeerlerinde.
Telegram, WhatsApp ve Facebookta Suspilne Qırım haberlerine abune oluñız
