Aqcigeriniñ cayrağan veremine hasta olğan qırım siyasiy mabusı Tofik Abdulğaziyevde ekimler ahlat sistemasınıñ yanğısını tasdıqladılar. İçindeki limfatik tüyümı yanğırıp bozulmağa başladı.
Bunıñ aqqında onıñ ömür arqadaşı Aliye Abdulgaziyeva haber etti. O, aqaynıñ tibbiy vesiqalarını alğan.
"İzaat içün muracaat etkenim mütehasıss, böyle deviriniñ keçüvi pek ağır dep añlatqan. Hastalarda onı öyle sıq tapmaylar. Siyasiy mabusı Tofik Abdulgaziyevniñ evelden tasvir etilgen tutuv şaraitlerini diqqatqa alsaq, o kene de ölecekke yaqın ola", – yaza ömür arqadaşı.
Daa, qadın aytqanı kibi, soñki 11 ay içinde o, er kün, cegerge fena tesir ete bilgen, küçlü ilâçlarnı qabul ete. Ömür arqadaşınıñ sözlerine köre, Abdulgaziyevniñ diagnozınen tanış olğan ekimler o, serbest etilmek kerek olğanını dep tüşüneler.
"Aqayım, ağrını alğan, yahşı laf etip şaqa etip başlağandan quvançım uzun sürmegen. Şimdiki vaziyet, beklenilgen olğanına baqmadan da, şimdi bulunğan şaraitlerge bulunmağa yasaq. Daimiy dımlılıq, yahşı yemeginiñ yoq oluvı, başqa sebeplerniñ çoqusı, saya berer edim, amma manası bar mı", – denile Aliye Abdulgaziyevanıñ yazısında.
Hatırlatayıq ki, 2019 senesi saban ayında Tofik Abdulgaziyevni "Hizb ut-Tahrir"-ge alâqasında qabaatlavı boyunca tevqif ettiler. 2022 senesi mayıs ayında Rostov-na-Donudaki Cenübiy arbiy bölge makemesi, Abdulgaziyevni qattı nizamlı müstemlekesine 12 yılğa makeme etken.
Tofik Abdulgaziev aqqında ne bilemiz
2017 senesi mayıs ayınıñ 4-ünde Tofikniñ evi ilk kere tintildi. O zaman tutulmadı. 2019 senesi saban ayınıñ 27-sinde evi ekinci kere tintilgen soñ Abdulgaziev, Rusiyede yasaqlanğan "Hizb ut-Tahrir" teşkilâtına ait olmağa qabaatlanıp tevqif etildi.
2022 senesi mayıs ayında Rostov-na-Donudaki Cenübiy bölge arbiy makemesi, Tofik Abdugazievğa üküm çıqarıp, sert rejimli müstemlekede 12 senege maküm etti. Müddetniñ ilk beş senesini apishanede keçirmeli.
Bir yoldan soñ 2023 senesi mayıs ayında Vlasıstaki Apellâtsiya makemesi, qorçalayıcı tarafnıñ ükümge şikâyetnamesini baqtı ve ükümini deñiştirmeyip qaldırdı. 2023 senesi oraq ayında Abdulgaziev, RFnıñ Çelâbinsk vilâyetiniñ Verhnöuralsktaki apishanege etap etildi.
Tevqif etilmeden evel Tofik Abdulgaziev, qırım siyasiy mabüslerniñ balaları içün tedbirlerini teşkil etmege yardım etken edi. "Qırım birdemligi" cemaat birleşmesiniñ faalcisi, ses operatorı, "Qırım balalığı" leyhasınıñ iştirakçisi ed. Bundan ğayrı, siyasiy mabüslerge SİZOğa aşayt mahsulatını yollağan, siyasiy sebeplerden açılan davalarnıñ oturışlarını ziyaret etken, vatandaşlarnıñ evileri tintilgende olarnı destek etmege kelgen edi.
Telegram, WhatsApp ve Facebookta Suspilne Qırım haberlerine abune oluñız
