Rusiye işğalcileri qırımtatarlarını basqılarğa oğratmağa devam eteler. Olarnı tutıp alalar, aqlarnıñ bozuluvı aqqında qununsız sürette ihtarlarnı alıp bereler, cezasını endi çekeyatqanlarınıñ aqlarını bozalar.
Suspilne Qırım, afta içinde Qırım sakinleriniñ qanunsız tutıp aluvları ve ükümleri aqqında belli olğanını toplap alağan.
Siyasiy mabusı Ruslan Abdurahmanovnı kartserge yerleştirdiler
Uvut aynıñ 17 Rusiyeniñ Tambov vilâyetinde 7-ci tedaviylik-icraiy müstemlekesinde cezasını çekken siyasiy mabusı Ruslan Abdurahmanovnı kartserge alıp keçirgenleri aqqında belli oldı.
Bunıñ aqqında qırımtatar resurs merkezine erkekniñ ömür arqadaşı Feride Abdurahmanova bildirdi.
Onıñ sözlerine köre, erkekniñ sağlıq alı fenalaşqan.
"Şimdi bütün bedeni psoriazda olıp qaşına, daa sol tarafı üyüşe", – qayd etti qadın.
Uquq qoruyıcı Ayder Suleymanovğa ihtarnı alıp berdiler
Uvut aynıñ 20 Qırımnıñ işğal milisi, uquq qoruyıcı Ayder Suleymanovğa ihtarını bergen.
Bunıñ aqqında "Qırım birdemligi" bildirdi.
Ayder Suleymanovnıñ sözlerine köre, arazi milisi, "memuriy bozuluvlarnıñ yapılmasından qorçalamağa" istegenini bildirip ziyaret, 2017 senesi Qırımda kütleviy bir özülik narazılıqlarında Ayder Suleymanovnıñ iştirağınen bağlı olğanını añlattı.
"Protokolda imzanı qoymağa rica etken, amma red ettim, çünki öz areketlerimni qanunsız dep saymayım", – tarif etti Ayder Suleymanov.
Daa eki faali Nadir Aliyev ve Dilâver Ablayevnen munasebetlerni keçirmege tırışqan ediler.
Faal Lutfiye Zudiyevağa ihtarını alıp bermege tırışqan ediler
Uvut aynıñ 20 qanunsız areketlerniñ olmamazlığı aqqında ihtarını Qırımnıñ işğal milisi, qırımtatar faali ve jurnalisti Lutfiye Zudiyevağa bermege tırışqan.
Quvetçilerniñ ziyareti vaqtında qadın evde olmağan edi. Bunıñ aqqında Lutfiye Zudiyeva, öz Facebook saifesinde yazğan.
"Bir taraftan, o, planğa köre uvut aylıq "işlevi" olğanınıbelli ve Qırımdaki İİN-gi bu meselede muntazam sürette areket ete. Başqa taraftan ise – insan, qanusız bir şeyni ya da cinayetni yapmağa aqiqaten planlaştırılğanını fikir etmege faraziy degil de, kerçek delilleri olmalı. Ve bu muayyyen areketleri ihtar etüviniñ metininde qayd etilmek kerekler", – yaza faal.
Siyasiy mabusı Remzi Bekirovğa müstemlekede namaznı oqumağa yasaq eteler
Rusiyede Hakasiya cumuhuriyetiniñ Abakan şeerindeki 33-ci icraiy müstemlekesinde cezasını keçirgen qırım siyasiy mabusı Remzi Bekirovğa namaz qılmağa izin bermeyler.
Dua içün onı cezahanege yollaylar.
Bunıñ aqqında onıñ ömür araqadaşı Halide Bekirova Facebook-ta yaza. Onıñ sözlerine köre, uvut aynıñ 20 tahqiqat tevqif hanesine Beikrovnıñ qanunsız keçirilmesine dair makemesi olıp keçti. Makeme, qararnı qabul etti mi dep qadın qayd etmegen.
Telegram, WhatsApp ve Facebookta Suspilne Qırım haberlerine abune oluñız
