Qırımdaki Ay Petri yolunı kiçik aynıñ 24-ne qadar qapattılar

İşğal etilgen Qırımda qar yağğanı sebebinden Ay Petri (Yalta — Bağçasaray) yolu qapatıldı. Sıñırlavlar kiçik aynıñ 21-nde saat 5:00-ten kiçik aynıñ 24-nde saat 5:00-ke qadar devam etecek.

Telegramda Yalta memuriyetiniñ işğalli yolbaşçısı Yanina Pavlenko bunı bildirdi.

Onıñ aytqanına köre, sebebi — kiçik aynıñ 21-23 künleri Qırımda ilân etilgen furtuna havfı oldı.

RİA "Novosti Krıma" yarımadanıñ şimaliy qısmında qar yağğanını yazdı.

"Yollarnıñ bir qısmında qar bar: Rozdolne — Yevpatoriya (20 km-ge qadar), Slovyanske — Yevpatoriya (Tavridağa qadar), Çornomorske — Voyinka (41-97 km) ve Yañı Qapu", — dep aytıla haberde.

İşğal etilgen Qırımnıñ fevqulâde vaziyetler nazirliginiñ malümatına köre, kiçik aynıñ 21-nde yarımadada qar ve buz beklenile.

"Şimaliy-şarqiy yelniñ küçleşmesi beklenile — 15-20 m/s yel, kiçik aynıñ 22-nde ve 23-nde Qırımnıñ şarqiy rayonlarında 25 m/s qadar yel esecek", — dep işğalcilerniñ idaresi bildirdi.

Читати ще

Читати ще

Снігопади в Криму: затори на дорогах Ялти, Нікітський ботсад призупинив роботу

Telegram, WhatsApp ve Facebookta Suspilne Qırım haberlerine abune oluñız