Rejissör ve arbiy hızmetçi Oleğ Sentsovnıñ "Real" vesiqalı filminiñ premyerası kiçik aynıñ 18-de Kıyivdeki Kino evinde olıp keçti. "Ğaye ve stsenariy olmadan" dep böylece rejissör fimlni tarif etti. Film 2023 senesiniñ yazında Zaporijjâğa qarşı yapılğan ücümniñ vaqialarını belgilegen. Seyircilerniñ tesirleri ve Kıyivdeki premyeradan evelki numayış aqqında — Suspilne Qırımnıñ haberinde.
"Real" vesiqalı filmi go-pro kamerasınen çıqarıldı. Montaf ve mahsus effektler olmadan. Onıñ adı — Zaporijjâğa yaz qarşı ücümi vaqtında ukrain arbiyleriniñ zapt etecek olğanarı pozitsiyadır. Vaqialar çuqurlardan birinde yüz bere. Oleğ Sentsovnıñ aytqanına köre, onıñ bunı çıqarmağa niyeti yoq edi, kamera tesadüfen açıldı.
"Alançıq açıla. Askerleriñ çıqalar. Öz bölügiñizde çalışasıñız. Alançıq qapatıla. Yaralanğanlarnı alıp ketesiñ, başqa askerlerni çağırasıñ. Yardım alasıñız, artqa qaytasıñız ve sizni alaylar. Çuqurğa tüşesiñiz ve demir başlığıñ, seniñ kamerañnıñ yerinde olıp-olmağanını teşkeresiñiz. Ve o vaqıt o açıla ve bir buçuq saat devamında batareyası olsa, çıqarır. Filmler böyle peyda ola", — dey rejissör.
Kıyivde filmniñ premyerasını körmege o küreşniñ iştirakçileri de keldiler. Em ekranda olğanlar, em de ekranda olmağanlar. Olarnıñ arasında "Şuya" lağabınen asker Oleksandr Medvınskıy de bar. Bu o, filmniñ plakatlarında tasvirlengen.
"Bu filmniñ hususiyeti şu ki, o, arbiy kontentniñ daa çoq eşitmegen seyircilerinen çalışacaq. Men bellesem, bu, ziyalılar içün meraqlı ola bilir, ziyalılar içün ise — kino. Oleğniñ aytqanına baqmadan, senariyi yoq, dramaturgiyası yoq, degen lafları olsa da. Dramaturgiya bar anda. O, anda özü bar", — dep arbiy ayttı.
Şimdi arbiy ekim, soñra ise ücümci olğan Olena Rıjnıñ aytqanına köre, böyle filmlerni seyir etmek kerek, çünki bu ikâye bizge, balalarımızğa ve duşmanlarımızğa kelecekke yol aça.
"Men filmde degilim, amma aytılğan er bir sözni duydım, yani o anda menim olğanım yerni, ne yapqanımnı, etrafımda ne olğanını, endi elâk olğan Dima o vaqıt ne yapqanını kördim. Yani bütün film devamında men o qadar pek kergin edim ki, bedenimniñ er bir üceryesi ağıra edi", — dep Olena Rıj ayttı.
Filmniñ dünya premyerası Çehiya Cumhuriyetinde, Karlovi Varıda olıp keçti. Ukrain kinoteatrlerinde ise kiçik aynıñ 20-nde kösterilecek.
Facebook, Instagram ve Telegramda haberlerimizni oquñız, bizim YouTube ve TikTokımıznı baqıñız
