Uvut aynıñ 16 Ukrainada Birleşme künü qayd etilgende, "Sarı şerit" tirenüv areketiniñ iştirakçileri işğal etilgen Qırımdaki şeerlerini timsaliy varaqalar, grafiti ve sarı şeritlernen yaraştırıp "Berabermiz" ukrain tarafdarlıq tedbirini keçirdiler. Ukrainanıñ nezareti astında olğan territoriyalar da areketiniñ tedbirine qol tutqanlar.
Bunı areket, öz Telegram kanalında bildirdi.
Uyğun tedbirlerni Simferopol, Sevastopol, Bahçisaray, Yevpatoriya, Yalta, Armânsk, Kerç ve Sudakta (Aqmescit, Aqyar, Bağçasaray, Kezlev, Yalta, Armânsk, Keriç ve Sudaq)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adları keçirdiler. Daa anda böyle ifadeler peyda oldı: "Birlikte quvet", "Beraberlikte boyssunmağanmız", "Ukraina bölünmez".
"Qırım – Ukrainadır. Ve bu künni Qırım bütün devletnen beraber qayd ete", – qayd ettiler "Sarı şerit"-iniñ koordinatorları.
Öz nevbette Ukrainanıñ nezareti astında olğan territoriyalar da tedbirine qol tutqanlar, bildire areket.
Hatırlatayıq ki, evelden "Sarı şerit" areketiniñ faalleri işğal etilgen territoriyalar, ayrıca Qırım sakinleri içün stress şaraitlerde ruhiy sağlığınıñ destegi içün üç ruhiyat tehnikasını yayınladılar.
Bundan da ğayrı, bu areket, "Dovidka.info" leyhasınen beraber VİT sakinleri içün "Sen Ukrainadasıñ" bedava VPN-nen servisni ve mahsus brauzerni işlep çıqardılar. O, ukrain saytlar ve haberlerni telükesiz tarzda baqmağa fırsat berer.
Birleşüv künü aqqında belli olğanı
Ukrainada Birleşüv kününi 2022 senesi uvut aynıñ 16 Ukraina prezidenti, büyük miqyaslı rusiye ücüminiñ telükesi arfesinde öz emiri ile başlatqan. Vesiqağa binayen tedbir, "ukrain cemiyetiniñ birleştirüviniñ, gibrid havflarnıñ arttıruv şaraitlerde onıñ sebatınıñ, cemiyet şuurına ruhiy basqısınıñ quvetleştirüv" maqsadınen ilân etilgen edi.
"Uvut aynıñ 16 ücüm künü olacaq dep aytalar. Biz ise – onı Birleşüv künü dep yaparmız. Uyğun emiri endi imzalanılğan. Bu kün milliy bayraqlarnı asıp sarı-mavı şeritlerni taqıp bütün dünyağa öz birdemligini kösterermiz", – haber etti 2022 senesi uvut aynıñ 14 Ukraina prezidenti Volodımır Zelenskıy öz video muracaatında.
Telegram, WhatsApp ve Facebookta Suspilne Qırım haberlerine abune oluñız
