İşğal etilgen Qırımnıñ Simferopol (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı şeerinde balalarnı derslerden soñ RF ordusı içün maskalav ağlarınıñ örmesine celp eteler. Bundan da ğayrı, balalar gumanitar yardımını toplap rusiye arbiyleri içün aşayt mallarınıñ işlep çıqaruvınen oğraşalar.
Bunıñ aqqında "Tavrida" rusiye telekanalı levhasını çıqarğan.
İşğal KHV, o, göñülli teşebbüsi olğanı eken dep bildire, amma onıñ da malümatlarına köre, aynı ocalar "göñüllilernen" mektepniñ işdeşligini teşkil etkenler. Yıl içinde talebeler tahminen 40 ağını işlep çıqarğanlar.
Hatırlatayıq ki, Milliy tirenüv merkeziniñ malümatına köre, Aqmescitteki 5-ci mektebinde talebelerni tek ağlarnıñ örmesine degil de, silâ içün qısımlarnıñ ayrıca dronlar içün terkibiy qısımlarnıñ ve Kalaşnikov tüfeklerniñ tolduruvı içün aletlerniñ işlep çıqaruvına da celp eteler.
Evelden Sevastopolde (Aqyar) yerli "Yunarmiyasınıñ" reberini 10 yılğa qadar apis etüvine ğıyabiy olaraq makeme ettiler. Daa "Krımpatriottsentr"-niñ başı ve OAFGYT-nıñOrdu, aviatsiya, flotqa göñülli yardımınıñ teşkilâtı vilâyet bölüginiñ reberine de şübeler bildirigenler.
Telegram, WhatsApp ve Facebookta Suspilne Qırım haberlerine abune oluñız
