İşğal etilgen Qırımda Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 5-nci mektebinde balalarnı arbiy ocalarnıñ nezareti altında dron parçaları ve Kalaşnikov avtomatlarınıñ yüklendirici aletlerini yapmağa mecbur eteler. Soñra olarnı Rusiye ordusınıñ bölüklerine yollaylar.
Kiçik aynıñ 14-nde Ukraina Silâlı quvetleriniñ mahsus operatsiyalar quvetleriniñ komandanlığı yanındaki bölük — Milliy muqavemet merkezi (MMM) bunı bildirdi.
İşğalcilerniñ bu areketleri "gönüllü teşebbüs" olaraq taqdim etile.
"Bu, Rusiyeniñ halqara gumanitar uquğınıñ qaba bozuluvıdır — balalarnı öz arbiy cinayet maqsadlarında qullanuvıdır. Talebeler tarafından yapılğan yedek parçaları Ukrainağa qarşı cenkte iştirak etken Rusiye arbiy bölüklerine "resmen" berile", — dep MMM qayd etti.
Bundan ğayrı, Merkezniñ qayd etkenine köre, Qırımda işğalciler:
- "Yunarmiya"ğa ve başqa teşviqat teşkilâtlarına celp eteler;
- arbiylernen körüşip, arbiylerge sadıqlıqnı şekillendireler;
- balalıqtan cenk ve işğalcilerge hızmet etmege azırlıq ibadetine zorlaylar.
"Milliy muqavemet merkezi şunı qayd ete: duşman tarafından balalarnıñ Ukraina arbiy areketlerine celp etilmesi ciddiy halqara cinayet sayıla, onıñ müddeti yoq ve er kes er ya da keç qattı ceza alacaq", — dep MMM qoştı.
Telegram, WhatsApp ve Facebookta Suspilne Qırım haberlerine abune oluñız
