"Qırım Cumhuriyeti Devlet Şurası"nıñ işğalli mebusına duşmannen işbirlik faaliyetiUkraina CQniñ 111-1-nci maddesiniñ 5-nci qısmınde şübe bildirdiler. O, 2024 senesiniñ qanunsız saylavlarında "Yedinaya Rossiya" firqasından öz isteginen saylavğa çıqtı ve işğalli akimiyette vazife aldı. O, 10 yılğa qadar apis cezasını ala bile.
Qırım Muhtar Cumhuriyeti ve Sevastopol (Aqyar) şeeriniñ prokurorlığı bu aqqında haber berdi.
Taqiqat, şübelengen adam 2024 senesi oraq ayında qanunsız saylavlarda "Yedinaya Rossiya" firqasından namzet köstermege qarar alğanını ögrendi. Saylav kampaniyası vaqtında qanunsız rey berüvde iştirak etkeni içün teşviqat yaptı, berim ayında ise "mebus" oldı ve "tasil ve ilim eyyetiniñ reisiniñ muavini" vazifesini aldı.
Bundan da ğayrı, o, işğal etilgen Fevzi Yakubov adına Qırım müendis-pedagogika universitetiniñ başıdır.
Duşmannen işbirlik faaliyetinde qabaatlanğan adam 10 yılğa qadar apis cezasını ala bile. Qırım Muhtar Cumhuriyetiniñ prokurorlığı, Qırımda Rusiye işğalli akimiyetiniñ qanuniyligini teminlegen bütün şahıslarnı mesüliyetke çekmek içün çalışmağa devam ete.
Telegram, WhatsApp ve Facebookta Suspilne Qırım haberlerine abune oluñız
