"Ateş" arbiy-partizan areketi, yaqarlıq ve arbiy yüklerniñ Keriç köpründen işğal etilgen Qırımğa Novorossiyskten ketirilgen miqdarını ve cedvelini daima nezaret etkenini iddia ete. Soñki aftaları partizanlar yaqarlıq ketirilmesiniñ eksilgenini qayd eteler.
Kiçik aynıñ 12-nde areket Facebook saifesinde bunı bildirdi.
"Bu, Ukraina Mudafaa quvetleriniñ neft zavodları ve bazalarına devamlı ve semereli ücümlerinen bağlı. Er bir böyle ücüm Rusiyeniñ iqtisadiy ve arbiy imkânlarını zayıflata, işğalli ordularnıñ teminlevini qıyınlaştıra ve zapt etüv cenkini alıp barmaq imkânlarını qısqarta. Ve bunı Rusiye işğalcileri cenk meydanında endi duyalar", — dep partizanlar tüşüneler.
Olar, Keriç köprü Rusiye arbiyleriniñ logistikasında müim bir element olğanı içün onıñ yoq etilmesi "işğalciler ordusınıñ teminlevine küçlü bir ücüm olacaqtır, olarnıñ logistikalarında haosqa ketirecek ve ukrain topraqlarınıñ azat etilmesini tezleştirecek", dep qoştılar.
Şimdi "Ateş" Rusiye arbiyleriniñ logistika kontrolini quvetleştirmek içün Novorossiysk ve Keriçte yañı agentlerni qıdıra.
Telegram, WhatsApp ve Facebookta Suspilne Qırım haberlerine abune oluñız
