Rusiye işğalli akimiyeti Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini Ukraina Silâlı quvetlerinen (USQ) işbirlik yapqanı içün yaqaladı. Adamnı "devlet hainligi"nde qabaatlap, 12 yılğa tüzetüv müstemlekesine yolladılar.
RİA "Novosti Krım" Rusiye neşiri bu aqqında haber etti.
Qayd etilgenine köre, adam "Ukraina ordusına yardım etmek içün paralarnı sistematik olaraq bere edi". O bunı sanki İspaniyadan yapqan edi. O, malını satmağa kelgende Rusiye Federatsiyası toprağında tutuldı.
Şu da bildirildi ki, "adam ukrain milliy mefküresiniñ tarafdarı edi ve "SVO"ğa qarşı çıqqan edi. O, maküm etilip, 12 yıllıq apis cezasını aldı.
Telegram, WhatsApp ve Facebookta Suspilne Qırım haberlerine abune oluñız
