"Ateş" arbiy-partizan areketi, ruslarnıñ vaqtınca işğal etilgen Qırımdan Rusiyege AMS quvetleriniñ bir qısmını avuştırğanlarını iddia ete. Rusiye ordusınıñ areket agentleri bildirdi ki, komandanlıq ayrı zenit-raketa bölüklerini çıqarmağa başladı.
"Ateş" Telegram kanalında bu aqqında haber etti.
Yañı yerlerge, hususan, 31-inci AMS bölüginiñ qurulışları avuştırıla, dep haberde bildirildi.
"Bu qarar yalıñız Ukraina Mudafaa quvetleriniñ arbiy astyapı ve neft bazalarına yapqan ücümlerinen degil de, Rusiyedeki cemaat basqısınen bağlıdır. Olar telükege oğraylar, çünki Rusiyeniñ neft bazaları ve logistika noqtalarınıñ ğayıp oluvı endi kritik noqtağa irişe. Putin rejimi ordusını semereli şekilde yaqarlıqnen temin etmek imkânını coya bile, bu ise olarnıñ cebedeki cenkke azırlığına tesir etecek", — dep "Ateş" bildirdi.
"Ateş" areketiniñ agentleri dediler ki, ukrain uzaq mesafeli uçaqlarınıñ ücümleri Putinnıñ rejimi Belgorod, Kursk, Voronej vilâyetleri ve Rusiyeniñ diger bölgelerdinde arbiy obyektlerni qorçalap olamağanını köstere. Rusiye ordularınıñ bir qısmı keri çekilmege mecbur, neticede ava limanları, arbiy anbarlar ve Keriç keçiti zarar köre.
Telegram, WhatsApp ve Facebookta Suspilne Qırım haberlerine abune oluñız
