Ukraina havfsızlıq hızmeti Qırımnıñ fevqulâde vaziyetler nazirine devlet hainligiUkraina CQniñ 111-nci maddesiniñ 1-nci qısmı ve işbirlik faaliyetiUkraina CQniñ 111-1.nci maddesiniñ 5-nci qısmınde şübe bildirdi. Oña 15 yılğa qadar apis cezası berile bile.
UHHniñ Qırım Muhtar Cumhuriyetindeki Baş idaresiniñ Facebook saifesinde bu aqqında haber etildi.
2014 senesi saban ayına qadar adam Qırım Muhtar Cumhuriyetinde Fevqulâde vaziyetler devlet hızmetiniñ Baş idaresiniñ mahsus vazifelerinen bağlı qaza-qurtaruv bölüginiñ yolbaşçısı edi.
"Yarımada zapt etilgen soñ, o, duşman tarafına keçti ve "Qırım Cumhuriyeti boyunca Rusiye FVNniñ Baş idaresiniñ yolbaşçı muavini" vazifesini aldı. 2024 senesi berim ayında onı "Fevqulâde vaziyetler naziri" olaraq tayinlediler, bu vazifede cinayetçi Rusiye Federatsiyasınıñ cinaiy siyasetini yerine ketire", — dep aytıla haberde.
O, vaqtınca işğal etilgen Qırımda adaletten saqlanıp, yapqan cinayetleri içün mesüliyetke çekmek içün kompleks tedbirler alıp barıla, dep UHH bildirdi.
Telegram, WhatsApp ve Facebookta Suspilne Qırım haberlerine abune oluñız
