Qırım prokurorlığı "Qırım öz-özüni mudafaası" qanunsız silâlı birleşmesiniñ komandanına qarşı qabaatlav aktını makemege yolladı. Onı devlet hainligiUkraina CQniñ 111-nci maddesiniñ 1-nci qısmı, duşmannen işbirlikUkraina CQniñ 111-1.nci maddesiniñ 6-ncı qısmı ve Rusiyeniñ Ukrainağa qarşı silâlı tecavuzını aqlağanındaUkraina CQniñ 436-2.nci maddesiniñ 3-nci qısmı qabaatlaylar. Adam 15 yılğa qadar apis cezasını ala bilir.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Telegramda bunı bildirdi.
Taqiqat, 2014 senesi kiçik ayda Rusiye Qırımda onıñ mahsus hızmetleri ve silâlı quvetleriniñ nezareti altında faaliyet köstergen ve Ukraina toprağına istilâğa yardım etken qanunsız silâlı birleşmelerniñ meydanğa ketirilmesini teşebbüs etkenini belgiledi. Maküm etilgen adam, cenk tecribesi olğan sabıq arbiy hızmetçi, "Qırım öz-özüni mudafaası" NZFnıñ yolbaşçılığına öz isteginen kirdi.
"Böylece, 2014 senesi kiçik aynıñ 26-nda qabaatlanğan adamnıñ reberligi altında "Qırım öz-özüni mudafaası"nıñ komandanları ve arbiyleri silânen Qırım MC ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeeriniñ Yuqarı Şurasınıñ binasına keldiler. Daa soñra "polk komandanı" Qırım Muhtar Cumhuriyetiniñ Meclis reisi "yarımadanıñ mustaqilligi" aqqında referendumnı keçirmek içün nevbetten tış sessiyanı keçirmege mecbur etmek maqsadınen memuriy bina ve yanındaki territoriya boyunca NZF hadimlerini yerleştirdi", — dep aytıla haberde.
2014 senesi saban ayınıñ 16-nda o, "Qırım öz-özüni mudafaası" NZFnıñ hadimlerinen beraber mudafaa teşkil etti ve Simferopol (Aqmescit) saylav bölüklerinde yarımadanıñ Rusiye Federatsiyasınıñ terkibine kirmesi boyunca referendum keçirilmesini temin etti.
2014 senesi bozarğan ayda qabaatlanğan S.V. Aksönov "Qırım Cumhuriyeti yolbaşçısı"nıñ "mesleatçısı", soñra ise — muavini olaraq tayinlendi. 2016 senesi berim ayında o, VII çağırılış RF Devlet Dumasınıñ mebusı oldı, 2021 senesi ise, VIII çağırılışnıñ mebusı vazifesini aldı, — dep prokurorlıq bildirdi.
Tolu miqyaslı istilâ başlağan soñ qabaatlanğan adam teşviqat vastalarında çıqışta bulunıp, seyircilerni Ukrainağa qarşı istilâ qanuniy olğanını inandırdı ve istilâcı devletni "tam mobilizatsiya"ğa çağırdı.
Bundan ğayrı, qabaatlanğan adam Avropa Birligi, AQŞ, Büyük Britaniya ve Yaponiya tarafından halqara sanktsiyalarğa oğratıldı.
Onı dört maddege binaen maküm etecekler. Duşmannen işbirlik, devlet hainligi ve Ukrainağa qarşı Rusiye tecavuzını aqlağanından ğayrı, adamnı qanunsız silâlı birleşmeniñ reberligiUkraina CQniñ 260-ncı maddesiniñ 4-nci qısmı, müessise, şirket, teşkilâtlarğa ücüm etkeninde qabaatlaylar.
Telegram, WhatsApp ve Facebookta Suspilne Qırım haberlerine abune oluñız
