Verem hastası olğan qırım siyasiy mabusı Tofik Abdulgaziyevniñ alı pek kerginleşken – sıcağı tüşmey, şiddetli öksürüv ve boğuvı, kerek olğan tedaviylevini ise almay.
Bunıñ aqqında o, ömür arqadaşı Aliye Abdulgaziyevanı Zonatelekom türme bağı ile haberdar etti.
Alіє dodala, vje dva mіsâtsі namagaєtsâ ötrimati mediçnі dokumenti ta ofіtsіynі visnovki şçodo lіkuvannâ çolovіka, ale şçorazu ötrimuє vіdmovu. Telefonom їy kajut, şço "vse normalno", ale pіd ças rozmov z Tofіkom vona çuє slabkіst u yogo golosі ta pomіçaє zatormojenіst u movlennі.
Aliye aytqanı kibi, endi eki ay içinde aqayınıñ tedaviylemesine dair tibbiy vesiqalarnı ve resmiy yekünlerni almağa tırışa, amma er sefer red cevabını ala.
"Afta içinde onıñ kene de sıcağı köterilgen, alı fena. Ekim, virusqa qarşı "Kagotsel" ilâcını bergen. Başqa ilâc ve tibbiy areketlerni qullanmay ediler. Keççe pek öksürip bunalmağa başladı", – bildirdi.
Tofik Abdulgaziev aqqında ne bilemiz
2017 senesi mayıs ayınıñ 4-ünde Tofikniñ evi ilk kere tintildi. O zaman tutulmadı. 2019 senesi saban ayınıñ 27-sinde evi ekinci kere tintilgen soñ Abdulgaziev, Rusiyede yasaqlanğan "Hizb ut-Tahrir" teşkilâtına ait olmağa qabaatlanıp tevqif etildi.
2022 senesi mayıs ayında Rostov-na-Donudaki Cenübiy bölge arbiy makemesi, Tofik Abdugazievğa üküm çıqarıp, sert rejimli müstemlekede 12 senege maküm etti. Müddetniñ ilk beş senesini apishanede keçirmeli.
Bir yoldan soñ 2023 senesi mayıs ayında Vlasıstaki Apellâtsiya makemesi, qorçalayıcı tarafnıñ ükümge şikâyetnamesini baqtı ve ükümini deñiştirmeyip qaldırdı. 2023 senesi oraq ayında Abdulgaziev, RFnıñ Çelâbinsk vilâyetiniñ Verhnöuralsktaki apishanege etap etildi.
Tevqif etilmeden evel Tofik Abdulgaziev, qırım siyasiy mabüslerniñ balaları içün tedbirlerini teşkil etmege yardım etken edi. "Qırım birdemligi" cemaat birleşmesiniñ faalcisi, ses operatorı, "Qırım balalığı" leyhasınıñ iştirakçisi ed. Bundan ğayrı, siyasiy mabüslerge SİZOğa aşayt mahsulatını yollağan, siyasiy sebeplerden açılan davalarnıñ oturışlarını ziyaret etken, vatandaşlarnıñ evileri tintilgende olarnı destek etmege kelgen edi.
Telegram, WhatsApp ve Facebookta Suspilne Qırım haberlerine abune oluñız
