"Ateş" arbiy-partizan areketi Rusiye işğalcileriniñ Qırımğa yaqarlıq ketirüvini taqip ete. Partizanlar deyler ki, USQniñ Rusiyedeki neft zavodlarına ücümleri neticesinde duşman naqliyat yollarını deñiştirmege mecbur, bu ise naqliyatnı qıyınlaştıra, fiyatlarnıñ köterilmesiniñ ve vatandaşlar içün yaqarloq qıtlığınıñ sebebi ola.
Qara qış ayınıñ 29-nda areket Telegram kanalında bunı bildirdi.
Partizanlarnıñ malümatına köre, Rusiye neft zavodlarına sıq ücümler sebebinden Rusiye Federatsiyasınıñ sıñır ve arqa bölgelerinde Qırımğa yaqarlıq ketirilmesiniñ coğrafiyası deñiştirildi. İşğal etilgen yarımadağa Rusiyeniñ uzaq bölgelerinden ket-kete daa çoq demiryol tankeri kele, bu ise naqliyatnı pek qıyınlaştıra.
Aynı zamanda bu ise vatandaş bazarındaki vaziyetke tesir ete — Qırımda yaqarlıq fiyatları arta, yerli sakinler ise, ara-sıra onıñ qıtlığına rastkeleler.
Partizanlar, işğalli ordularnıñ areketleri ve logistika aqqında bütün malümatnı Ukraina mudafaa quvetlerine devamlı olaraq bere.
Telegram, WhatsApp ve Facebookta Suspilne Qırım haberlerine abune oluñız
