Muhtariyet prokurotlığı, yarımadadan ukrainlerniñ çıqarılmaları aqqında qanunsız qarar alğan Qırımdaki işğalli makemecige qarşı qabaatlav aktını makemege yolladı. Taqiqatnıñ malümatına köre, o, Qırımnıñ demografik terkibini deñiştirüv boyunca Rusiye Federatsiyasınıñ siyasetini amelge keçirüvde iştirak etti.
Qara qış ayınıñ 29-nda Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bu aqqında haber etti.
Onıñ areketleri cenk qanunları ve adetleriniñ bozuluvıUkraina Cinayet qanunnamesiniñ 438-nci maddesiniñ 1-nci qısmı olaraq tanıla, 12 yılğa qadar apis cezasını ala bilir.
Taqiqatnıñ malümatına köre, 2016 senesinden berli qabaatlanğan "Qırım Cumhuriyetiniñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeer makemesiniñ makemecisi" vazifesinde buluna ve işğal etilgen yarımadanıñ ealisiniñ demografik terkibini deñiştirüv boyunca istilâcı devletniñ siyasetini amelge keçire.
Halqara gumanitar uquq qaidelerine köre vatandaş ealisini qorçalamaq kerek olğanını bilip, 2017-2018 seneleri dört Ukraina vatandaşını sürgün etmege qarar aldı, bunı "çetel vatandaşları tarafından Rusiye Federatsiyasında bulunma rejiminiñ bozuluvı"nen izaatladı. Bu qararlar neticesinde ukrainler Qırımdaki evlerini terk etmege mecbur oldılar.
Daa evel eki işğalli makemeci aynı cinayetler içün 10 yılğa qadar apis cezasını aldı.
Telegram, WhatsApp ve Facebookta Suspilne Qırım haberlerine abune oluñız
