İşğal etilgen Qırımda "Volna Mobil" cep telefonı operatorı Google qıdıruv ağını blok ete bile edi. Yerli sakinler Google Chromede qıdırmağa başlağanda "403 hatası" peyda olğanını tasdıqlaylar.
Qırım sakini Suspilne Qırımnıñ tefsirinde bunı bildirdi.
"Mobil operatorı aqqında aytsaq, menim "Volna" telefonım bar. Bazı vaqıtları Google Qıdıruvı kerçekten de çalışmay. Bunıñ nenen bağlı olğanını bilmeyim. Amma Googleniñ 403 hatası, sanktsiyalardan soñ peyda olğan bir hata. "Volna"nıñ tarafından degil. Soñki bir qaç ay devamında o, qıdıruv sistemasınen oğraşa edi", — dep qayd etti o.
Bundan da ğayrı, yerli sakinniñ aytqanına köre, VPNMüşteri-server tehnologiyalarınıñ umumiy adıdır. Olar, aşağı işanç seviyesi olğan diger ağlarnıñ üstünde, qorçalanğan virtual ağlar yaratmağa imkân bere qullanğanda ve qullanılmağanında Google farqlı şekilde kösterile.
"Bu, Googlede qıdıruvğa kirgen resimler bile. VPN olmadan, logo, bayram resimleri ve ilâhre yoq. Amma sanktsiyalar sebebinden ola bile", — dep añlattı o.
Daa evel "Qırım yeli" yerli Telegram kanalı, yarımada sakinleri Google Play qullanmalarınıñ yükleme hızmetiniñ blok etilüvi ya da yavaşlavından, em de Qırımnıñ "Volna mobil" operatorı tarafından Google Amerika qıdıruv ağınıñ blok etilüvinden şikâyet etip başladı, dep bildirgen edi.
Hatırlatamız ki, 2024 senesi arman ayınıñ başından itibaren YouTube Rusiyede ve işğal etilgen Ukraina topraqlarında, şu cümleden Qırımda, qullanıcılarnıñ kompyuterlerinde ve mobil cihazlarında yüklenilmey.
2024 senesi saban ayınıñ 1-nden itibaren Rusiyede VPN ve diger buña oşağan hızmetlerniñ bloklavlarnı aşmaq içün populârlaştırılmasına yasaq kirsetilecek. Roskomnadzorda qayd eteler ki, bu hızmetler Rusiyede 2020 senesinden başlap yasaq etilgen.
Aynı zamanda "İnternews-Ukraina" cemaat teşkilâtınıñ raqamlı telükesizlik mütehassıs Alina Yeleveterova Suspilne Qırımnıñ tefsirinde Qırım sakinleri YouTube işini ğayrıdan tiklemek içün qura bilecek VPNlerni cedvelge aldı.
Telegram, WhatsApp ve Facebookta Suspilne Qırım haberlerine abune oluñız
