İşğal etilgen Qırımnıñ 29 yaşındaki sakini, Ukrainağa qarşı küreşken Rusiye ordusına öz isteginen qoşuldı ve esir alındı. O, devlet hainliginde ve istilâcı devletniñ silâlı birleşmelerinde iştirak etkeninde şübeli sayıla ve ömürlik apis cezasına maküm etile bile.
Qırım Muhtar Cumhuriyeti ve Sevastopol (Aqyar) şeeriniñ prokurorlığı bunı bildirdi.
Adam 2023 senesi orta küz ayında Rusiye Mudafaa nazirliginen añlaşma tizip, duşman tarafına keçti. Onıñ areketleri devlet hainligiUkraina Cinayet qanunnamesiniñ 111-nci maddesiniñ 2-nci qısmı ve istilâcı devletniñ silâlı birleşmelerinde iştirak etüvUkraina Cinayet qanunnamesiniñ 111-nci maddesiniñ 7-nci qısmı olaraq tasnif etildi.
Taqiqat belgiledi ki, şübeli adam arbiy azırlıqtan soñ, Rusiye ordusında saper-qıdırıcı vazifesini aldı. 2023 senesi boş ayda o, bölüknen beraber Ukrainanıñ qıtaiy qısmına kirdi, anda Zaporijjâ ve Harkiv vilâyetlerinde cenk areketlerinde iştirak etti. 2024 senesi boş ayda onı Harkiv vilâyetinde ukrain qorçalayıcıları esir aldılar.
Şimdilik adam apiste buluna. O, qabaatlı tanılsa, ömürlik apis cezasını ala bilir.
Hatırlatamız ki, Ukrainada taqiqatçılar RF Silâlı quvetlerine ya da işğal etilgen Qırım toprağında ukrainlerniñ arbiy birleşmelerine göñülli olaraq qoşulğanına dair beş cinaiy davanı taqiq eteler. İşbirlik faaliyetine dair şübe eki şahısqa bildirildi.
Telegram, WhatsApp ve Facebookta Suspilne Qırım haberlerine abune oluñız
