"Serbest Entsiklopediyа: Qırımtatar Vikipediyasını yazayıq" onlayn marafonı bir ayğa — kiçik aynıñ 25-ne qadar uzatıldı. O, resursnıñ qırımtatar versiyası meydanğa ketirilmesiniñ 17 yıllığına bağışlana. Marafon, saytta derc etilgen malümatnıñ keyfiyetini ve sayısını arttırmaq maqsadınen teşebbüs etildi.
Bu marafon aqqında ''Vikipediya'' saifesinde yazılğan.
Qırımtatarca bilgen qullanıcılar ''Vikipediya''nıñ qırımtatar tilinde olğan saifeleriniñ yaratıluvına ve yahşılaştırılmasına qoşula bileler.
"Marafon 2025 senesi kiçik aynıñ 12-25 künleri keçirilecek ve Vikipediyanıñ qırımtatar tilli bölüginde eksik olğan eñ müim maqaleler mevzusına diqqat ayıracaq", — dep aytıla haberde.
Marafonda iştirak etmek içün qayd etüv formasını toldurmaq kerek. Bütün iştirakçiler mukâfatlar ve hatıraçıqlar içün küreşe bileler.
Telegram, WhatsApp ve Facebookta Suspilne Qırım haberlerine abune oluñız
