İstanbulda Ukraina Birligi Kününe bağışlanğan miting olıp keçti, iştirakçiler birlik ve azatlıq oğrunda küreşniñ müimligini qayd ettiler, em de Qırım siyasiy mabüsleri Appaz Kurtamet ve Rustem Gugurıkqa qol tuttılar.
Bunı İstanbuldaki Ukraina Baş konsullığı bildirdi.
Tedbir ukrainler, qırımtatarlar ve halqara ittifaqdaşlarnı serbestlik, insan aqları ve Ukraina mustaqilliginiñ qoruvı oğrunda küreşte birleştirdi.
Rusiye işğalli akimiyeti tarafından qanunsız tutulğan Qırım siyasiy mabüsleri Appaz Kurtamet ve Rustem Gugurıkqa ayrı diqqat ayırıldı. İştirakçiler Kreml mabüslerinen birdemlik bildirip, olarnıñ azat etilüvine yalıñız adalet içün küreş degil de, işğal etilgen Qırımnıñ azat etilüvine adım olğanını qayd ettiler.
Aktsiyada Ukraina Baş konsulınıñ muavini Andriy Boyko, Ukrain medeniyet birleşmesiniñ prezidenti Münevver Üsenova, Abdulhakim Şaptukayev, Çeçenistan Cumhuriyeti ükümetiniñ Türkiye ve Orta Asiya memleketlerinde sürgün etilgen Baş temsilcisi, Birleşken Çerkes Şurasınıñ prezidenti Kenan Kaplan, em de ukrain arbiy hızmetçileriniñ qorantaları çıqışta bulundılar.
"Er kesni birleşmege çağıram. Cenkniñ bu ağır zamanında epimiz bir-birimizge qol tutmalımız. Biz ğalebe qazanacaqmız, mustaqilligimizni qoruycaqmız", — dedi Andriy Boyko.
Telegram, WhatsApp ve Facebookta Suspilne Qırım haberlerine abune oluñız
