"Ateş" arbiy-partizan areketi bildirdi ki, işğal etilgen Qırımda ukrain dronlarınıñ muvafaqiyetli ücümlerinden soñ işğalciler arbiy tehnikalarını acele sürette avuştırmağa mecbur oldılar. Olar onıñ yañı yerleşüv yerini Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) qayd ettiler. Bütün malümatlar, nevbetteki ücümler içün USQe yollanıldı.
Qara qış ayınıñ 27-nde partizanlar öz Telegram kanalında bunı bildirdiler.
Ruslar ğayıplarını qısqartmaq içün tehnikasını dağıtmağa tırışalar. Lâkin bu areketlerni bütünley gizlemek imkânsız ola — Ateş agentleri areketlerini diqqatnen qayd ete ve koordinatlarnı ukrain quvetçilerine bere.
"Logistika ve arbiy tehnikasınıñ saqlanılğan yerleri aqqında malümatnı Ukraina Mudafaa quvetlerine berecekmiz — yaqın kelecekte işğalciler tek cayav areket etecekler", — dep Ateş areketi ayttı.
Telegram, WhatsApp ve Facebookta Suspilne Qırım haberlerine abune oluñız
