Rusiye işğalcilernen Herson ve Zaporijjâ vilâyetlerden tutıp esir etilgen eñ azdan 86 grajdan insan, Qırımğa alıp çıqarılğan. Umumen eñ azdan 250 Ukraina vatandaşı, siyasiy sebeplerden ya da diniy cinaiy taqip etüvi içün azatlıqtan marum etüv yerlerde buluna.
Bunıñ aqqında Qırım uquq qoruyıcı gruppası (QUQG) bildirdi.
Anda qayd etkenleri kibi, QUQG, Herson ve Zaporijjâ vilâyetlerden tutıp esir etilip Qırımğa alıp çıqarılğan eñ azdan 86 grajdann insannı resmiyleştirgen. Olarnıñ çoqusı, Aqmescitteki 2-ci taqiqat tevqifhanesinde tahqiqat devirinde tutula.
"Grajdan insanlarğa qarşı cinaiy işlerniñ makeme baquvı vaqtında olarnı esasen RF-na alıp çıqaralar. "Qırım musulmanlarnıñ davasında" azatlıqtan marum etilgen Qırım sakinlerniñ sayısı, eñ azdan 108 şahısı ola", – tarif ettiler QUQG-da.
Telegram, WhatsApp ve Facebookta Suspilne Qırım haberlerine abune oluñız
