Qara qış ayınıñ 22-nde Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Ukrain milliy-medeniy cemiyetiniñ (UMMC) iştirakçileri ukrain aqşamlarını (veçornıtsi) keçirdiler. Aqşamnıñ iştirakçileri kolâdkalar, türkülerni yırladılar ve ukrain ananelerini añlattılar.
L-informnıñ Telegram kanalı bunı bildirdi.
Şeerniñ milliy-medeniy merkezindeki keçirilgen tedbirge on insan keldi. Zalnı ukrain tikilgen yüzbezler ve çiçeklernen yaraştırdılar.
"Ananeviy olaraq, qış aylarında ukrain köylerinde emiyetli köy hocalığı yapılmay edi, amma qış halq bayramlarınen tolu edi, köylüler tanışlarına musafirlikke barıp, bayramlarnı keçire, sadaqa bere, falcılıqta iştirak ete ediler", — dedi Oleğ Leus cemiyet reisi.
Oleğ Leus, ukrainlerniñ eñ meşur kolâdkalarından biri — "Nova radist stala" olğanını hatırlattı ve onı a akapella yırlamağa teklif etti.
Hatırlatamız ki, 2015 senesi Sevastopolnıñ (Aqyarnıñ) ukrain milliy-medeniy cemiyetiniñ Nizamnamesi tasdıqlandı. Onıñ maqsadı — "Aqyarda yaşağan ukrain asıllı vatandaşlarnı umumiy menfaatlarnı qorçalamaq, medeniy özgünligini, maneviyligini, tilini, halq anane ve adetlerini saqlamaq, Aqyarda milletlerarası barışıqqa irişmege yardım etmek içün birleştirmektir".
Читати ще
Telegram, WhatsApp та Facebookta Suspilne Qırım haberlerine abune oluñız
