İşğal etilgen Qırımda ukrain jurnalistlerini taqip etken eki FSB hadimi Ukrainada ğıyabiy şekilde makeme etilecek. Olar 15 senege qadar azatlıqtan marum etüv cezası ve mülkiyetleri müsadere etile bilirler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bu aqqında Telegram kanalında haber etti.
Taqiqat, yarımadanıñ işğalinden soñ qabaatlanğanlar — UHHniñ Qırım Muhtar Cumhuriyetindeki Baş idaresiniñ eki hadimi — ant etkenlerine sadıq qalmayıp, işğalciler tarafına keçkenlerini belgiledi. Olardan biri, hususan müim işler boyunca baş taqiqatçı, digeri — Qırım Cumhuriyeti ve Sevastopol (Aqyar) şeeri boyunca Rusiye UFSBniñ işğalli mahsus hızmeti vazifesini aldı.
Bu vazifelerde olar, hususan, ukrain jurnalistlerine muntazam sürette basqı yapa ediler. Hususan, 2015 senesi saban ayında jurnalistniñ ve ana-babasınıñ Simferopoldaki (AqmescittekiRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) evi qanunsız tintildi ve onıñ ihtisasiy faaliyetinen bağlı noutbuk tehnikası ve vesiqalar tutıp alındı.
"Bundan soñ jurnalistni "Qırım Cumhuriyeti boyunca Rusiye FSBsi" binasına alıp kettiler. İşğalli taqiqatçı, "taqiqat" içün kerek olğan malümatnı elde etmek içün ruhiy basqı, qorquzuv usullarını qullanıp, onı sorğuğa çekti. Neticede jurnalist Qırım yarımadasını terk etip, esas Ukrainağa köçmege mecbur oldı", — dep aytıla haberde.
Olarnı devlet hainligiUkraina CQniñ 111-nci maddesiniñ 1-nci qısmı, zenaat vazifelerini eda etken jurnalistlerni taqip etüvUkraina CQniñ 171-nci maddesiniñ 2-nci qısmı ve qanunsız tintüvlerUkraina CQniñ 162-nci maddesiniñ 1-nci qısmınen qabaatlaylar. Qırım Muhtar Cumhuriyetindeki Baş idaresi mahsus makemeden evelki taqiqatnı alıp bardı.
Telegram, WhatsApp ve Facebookta Suspilne Qırım haberlerine abune oluñız
