Rusiye Mudafaa nazirligi qara qış ayınıñ 21-nde aqşam işğal etilgen Qırım üzerinde yedi uçucısız uçaq aleti tüşürilgenini bildirdi.
Rusiye nazirligi Telegram kanalında bunı bildirdi.
"Saat 19.20den 20.15ke qadar AMS vastaları tarafından Qırım Cumhuriyeti üzerinde yedi ukrain uçaqsız uçaq aleti yoq etildi", — dep aytıla haberde.
Hatırlatamız ki, bugün Rusiye Mudafaa nazirligi bildirdi ki, Qara deñiz ve işğal etilgen yarımada üzerinde (Kıyiv vaqtına köre) saat 10:00dan 10:50ge qadar sekiz uçucısız uçaq aleti yoq etildi. Daa üç UUA (Kıyiv vaqtına köre) saat 9.45 ve 10.00 arasında tüşürildi.
Читати ще
Telegram, WhatsApp ve Facebookta Suspilne Qırım haberlerine abune oluñız
