Qırım Muhtar Cumhuriyetiniñ prokurorlığı yarımadanıñ işğalli akimiyetinen işbirlik yapqan eki "makemeci"ni işbirlik faaliyetinde şübeli tanıdı. Olar 15 senege qadar apis cezasını ala bileler.
Telegram kanalında Qırım Muhtar Cumhuriyeti ve Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bu aqqında haber ete.
"Ögrenildi ki, 2024 senesi qara qış-kiçi aylarında Ukraina vatandaşları yarımadada faaliyet köstergen işğalli makeme organlarında çalışmağa razı oldılar. Böylece, şübeliler öz isteginen “Sevastopol (Aqyar) şeeriniñ Balıqlava rayon makemesi“ ve “Simferopol (AqmescitRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ Merkeziy rayon makemesi“nde "makemeciler" vazifelerini aldılar“, — denile beyanatta.
İstilâcı devletniñ adından ve onıñ menfaatlarında "adalet"ni yerine ketirerek, şübeliler Qırım yarımadasında işğalli mahkeme sistemasınıñ çalışmasına yardım eteler.
Qırım Muhtar Cumhuriyetiniñ prokurorlığı hatırlattı ki, Qırımnıñ işğalli akimiyetinen işbirlik yapqan üç makemeci Ukraina Cinayet qanunnamesiniñ 111-1. maddesiniñ 7-nci qısmıişbirlik faaliyeti boyunca ğıyabiy üküm aldı. Daa 19 insannıñ qabaatlav aktları mahkeme tarafından baqıla.
Qırım MCdeki UHHniñ Baş idaresiniñ makeme bölügi makemeden evelki taqiqatnı keçire.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram,WhatsApp ve Facebookta Suspilne Qırım haberlerine abune oluñız
