"Sarı şerit" areketiniñ faalcileri Rusiye ordusı tarafından vaqtınca işğal etilgen topraqlarda Ukraina tarafdarı aktsiyasını anons ettiler. Hususan, qara qış ayınıñ 22-nde Qırımda ukrain timsalleri tarqatılacaq.
Faalciler öz Telegram kanalında bu aqqında yazdılar.
O, qara qış ayınıñ 22-nde vaqtınca işğal etilgen topraqlarnıñ er köşesine ukrain timsalleriniñ qaytarılacağını qayd etti.
"Birligimiz — silâmızdır. İşğal etilgen Qırımda yaşağan er kes bu aktsiyağa qoşula bile. Eger siz daa qarşılıq köstermegen ve öz noqta-i nazarıñıznı köstermegen olsañız, şimdi başlamaq içün tam bir vaqıt olur. Küçük areketlerniñ büyük tesir etkenini körmege başlañız. Graffiti yapıñız, sarı şeritlerni asıñız, stikerlerni yapıştırıñız. Birlikte işğalcilerge mında yabancılar olğanlarını hatırlatayıq", — dep qayd etildi.
Читати ще
Telegram, WhatsApp ve Facebookta Suspilne Qırım haberlerine abune oluñız
