Qırımdaki Rusiye işğalli makemesi Yalta sakinini sert rejimli müstemlekede 18 senege üküm etti. Onı "devlet hainligi"RFnıñ Cinayet qanunnamesiniñ 275-nci maddesinde ve Ukraina mahsus hızmetlerinen işbirliginde qabaatladılar.
Qırımnıñ işğalli prokurorlığı bunı bildirdi.
Prokurorlıqnıñ qayd etkenine köre, 2020 senesi orta küz ayından 2021 senesi kiçik ayğa qadar Ukraina toprağında bulunğan adam mahsus hızmetlernen çalışmağa başladı. O, Qırım toprağında hızmet etken Rusiye uquq qorçalayıcı organlarınıñ hadimleri aqqında malümatnı "kuratorlar"ğa bergen edi.
"2022 senesi boş aydan 2024 senesi bozarğan ayğa qadar arbiy hızmetçi ve İvano-Frankivsk vilâyetiniñ Kolomıya şeerinde yerleşken ayrı dağ-ücüm brigadasınıñ komandanı vazifelerini eda etip, Rusiye Silâlı quvetlerine qarşı cenk areketlerinde iştirak etti", — dep Qırım prokurorlığı bildirdi.
Onı Rusiyeniñ işğalli akimiyeti qıdıra ve mesüliyetke çekmege tırışa. O, sert rejimli müstemlekede 18 senege ğıyabiy şekilde üküm etildi.
Telegram, WhatsApp ve Facebookta Suspilne Qırım haberlerine abune oluñız
