Ukraina Nazirler Kabineti sovet devrinden qalğan Qırımnıñ 22 coğrafik adını deñiştirmege teklif ete. Olarnıñ arasında demiryol stantsiyaları, özenler, çayırlar, tabiat yerleri ve meskün yerler bar.
Bu qarar aqqında halq mebusı Oleksiy Ğonçarenko öz Telegram kanalında yazdı.
Ükümetniñ cedveli yarımada içün ana til olğan qırımtatar tilinde adlarnıñ qaytarılmasını ya da yañı adlarnıñ kirsetilmesini közde tuta. Hususan, Krasnoperekopsk demiryol stantsiyası, Vorontsovka özeni, Avrorivkaka, Bagrationove, Çervonoflotske, Lazo ve başqa adlarınıñ deñiştirilmesi teklif etile.
Umumen Ukrainada Rusiye imperiyası ve SSCBnen bağlı 239 coğrafiy obyektniñ adından qurtarılmaq planlaştırıla.
Telegram, WhatsApp ve Facebookta Suspilne Qırım haberlerine abune oluñız
